Beware O Bonie Ann
Burns Robert
Miscellaneous
Beware O Bonie Ann
Beware O Bonie Ann
(Robert Burns)
Ye gallants bright, I red you right,
Beware o' bonie Ann!
Her comely face sae fu' o grace,
Your heart she will trepan:
Her een sae bright, like stars by night,
Her skin is like the swan;
Sae jimply lac'd, her genty waist,
That sweetly ye might span.
Youth, Grace, and Love attendant move,
And Pleasure leads the van:
In a' their charms, and conquering arms,
They wait on bonie Ann.
The captive bands may chain the hands
But Love enslaves the man:
Ye gallants braw, I red you a',
Beware o bonie Ann.
tune:Beware o' bonie Ann (288)
@Scots @love
filename[BONIEANN
play.exe BONIEANN
ARB
===DOCUMENT BOUNDARY===